Mamlaka ya Majisafi na Usafi wa Mazingira Tabora (TUWASA) kupitia Kitengo cha Sheria imeendelea na zoezi la kuwafikisha mahakamani wateja wenye madeni sugu wanaohudumiwa katika Wilaya ya Tabora.

Leo tarehe 25/09/2025 kesi za wateja 09 zitaendelea kusikilizwa. Hadi  sasa wateja wasiopungua ishirini na tano(25) wameshafikishwa mahakamani.

Aidha  baadhi ya wateja wamekubali uhalali wa madeni na  kuahidi kulipa wakati  wengine wameingia mkataba na Mamlaka  kulipa ndani ya muda uliowekwa kisheria.

Mwisho, kuna baadhi ya wateja wamepewa muda wa siku kadhaa na Mahakama kufanya malipo na kufika kortini wakiwa na risiti zao halali za malipo na kwa  watakaoshindwa kulipa kama walivyoahidi  kesi zao zitasikilizwa na mahakama kisha kutolewa uamuzi.